片頭片尾曲的台文歌詞 - 臺劇

春梅完結已經兩天了，但還是很捨不得
因為正在學習台文，忍不住手癢，表示一下思念
就依教育部推薦用字改了一下歌詞的文字
版上若有先進也請多多指教
若不合版規，就請版主依規處置啦
－－－－－－－－－－－－－

愈唱愈大聲

猶原是黃昏，開窗仔門
阮的青春，親像哺完彼支薰
時間已經攏無賰，無人借問

思念像 港邊彼條船 有法度走偌遠
這个時代是到底 欲行偌長

行過稻埕，誰咧叫我 是誰欲點歌（*repeat）
鄉親序大欲聽阮的名
行過田岸，誰咧叫我 是誰欲聽台語歌
阮愈唱愈大聲，攏毋驚

這个時代無允准 理想攏吞忍
流浪的人 有體無魂何時轉
燒酒配飯 等天光 愈喝心愈 酸

阮坐咧 孤單的眠床
寂寞的影 像命運 按怎斷
未來攏會有 豐沛的痕

（*repeat）

自己故鄉 咱 家己疼
去拼一擺輸贏
咱 向前行
予囝孫留名聲 愈唱愈大聲
－－－－－－－－－

春梅(片尾曲)

海風咧戲弄 船無入港
笑笑 當做是眠夢
風吹直直放 阮的願望
是收袂轉的思念

啊～ 心事 沉重
到底欲揣啥人開講 苦苦等
阮鏡中的白頭鬃 無一條相仝
等待你的消息 等一世人

園中春梅 孤單家己媠（※repeat)
寂寞花蕊 無人知芳味
你對阮的心意 敢講是走去覕
咱的故事 到底行去佗位

園中春梅 孤單家己媠
風吹微微 緣份無了時
夢中鴛鴦露水 夢醒花謝留枝
愛恨只是 暫時

毋是阮毋願放 有緣無份使人疼痛
純情啊無簡單 付出一工過了一工
人生像一齣戲
阮越頭提筆 將過去 寫成歌詩
－－－－－－－－－－

愛愈遠愈重

離了故鄉的街頂，有走袂煞的長（※repeat)
遠了海湧的白雲，閣較藍嘛烏陰
干焦清風會送來，彼土地 每夜的花芳
予我攑頭的暗暝，目眶無遐紅

路愈遠愈暗，賰我一个人
流浪是世間，最疼的夢

愛愈遠愈重，欲對佗位藏
阮用思念換 一个希望

路愈遠愈暗，賰我一个人
想欲越頭才知影袂當

愛愈遠愈重，欲對佗位藏
咱是永遠行佇海湧 彼的人
雨中的人

--