算命歌 - 民視

今天剛好聽到的
建議民視主題曲改這條XDD

算命歌(鄭進一)
http://is.gd/Ft60az

作詞：鄭進一〈改編〉
作曲：原曲
編曲：許嘉齡

手拿籤筒啊　有三支喔　要卜要算　隨在你
要問前途一定虛啊　哎呦喂
要卜婚姻是百面離啊　咦咦

來來來　看看看　籤聖卦定　卜卦兼算命
有卜的好命　慢卜的勇健　無卜的我咧　愛你娘　我是講無卜的放你行
有準才敢大聲　無準的當做我臭彈　來啊　參考看麥

祖公十八代　過去甲未來　保證恁無算無敗　愈算愈害　不是愈算利　哈哈
本仙鐵齒暴牙　人稱鄭半仙　三歲著甲鬼谷子結緣　唐山去過數千遍
拜師學藝專門研究騙　無論紫微　八字攏是我自己編

掌紋撿骨啊歹勢　掌紋摸骨　鐵板神數　各門各路　全是王祿仔步
也哪卜卦　鳥卦　錢卦　米卦　我不免看　就算凍算你田園有外闊
看你事業做外大　斷你尪某冬時煞　點你財庫抹四散
知你幾點會中砂　助你出門去撞車　助你來世做乞食

來啊　看你一命　不過是賺一點仔所費而已　你未卡散　我嘛未好額
來啊　行不知路的緊來啊

全國出名啊　免探聽耶　世界聞名啊　眾人驚
有命算甲變無命　哎呦喂　總統算甲變乞食啊　咦咦

足多媽弟　這位少年家　小等一下　我看你目眉筆叉　命帶桃花
恭喜喔　你註定娶某甲人公家　甚麼你肖雞　有翅難飛　今年著雞嗟
子丑寅卯　辰巳午未　申酉戌亥　噯呀　又擱七月十五　子時生
你命中帶衰　註定認賊做父　找無娘咧　喂喂少年仔啊抹講了咧

這位阿伯　你耳珠彼大塊　一定佛祖轉世　某美子多　未死擱未破病
哎呀放尿擱抹滴著鞋　喂阿伯我還沒講了咧
死老猴身長命短　尚慢當甲年底　我看乎尚快食甲年節

這位小姐妳嘴唇那路螺　面皮那發粿　頭前兩啪電火　一平高一平底
一粒翹一粒垂　雞看打咕雞　狗看吹狗螺　人看是一直咧
鬼看是起性地　神看是土腳爬　趕緊趕緊　不通擱延遲　找本仙甲妳祭祭
喂小姐小姐　我閒閒呢

命運好歹啊　天註定喔　生離死別啊　各人命
勸咱大家愛打拚　哎呦喂　人生的路無白行啊　咦咦

--