https://www.facebook.com/808390019263967/videos/1016963335073300/
影片
【給我們最敬愛的一姊 鄭劉春一女士】
親愛的阿嬤，今仔日是咱全家大大小小，要來跟妳惜別的日子。
妳在世的時袸常常講，家和萬事興，毋通吵吵鬧鬧。今嘛歸庄頭攏安靜落來。
阮也攏安靜，妳也安靜落來啊。
有真濟話想欲對你講，就親像我和阿姐細漢放學的時袸，坐在妳的歐托麥，欲晚仔个風真
透，通向故鄉祖厝个彼條路，並無放光的路燈。路面暗濛濛，路面有窟仔，為了安全，所
以妳真認真在騎車，也無知妳是有聽到沒?阮姐弟仔，就是一直講一直講，妳就是一直頕
頭一直頕頭。
阿嬤，但是為何妳這陣，不再頕頭？
妳美丁美當，只是文文仔笑。
看到阮全家大大小小，妳是在笑都一个？
妳是不是偷偷在笑阮阿爸？雖然無啥出息，但是很善良，肚子裡是一個溫柔的人。
妳是不是偷偷在笑阮二叔，雖然講話很膨風，但是為了某子，伊真正有責任感。
還是妳在笑阮三叔，自卡早就愛趴趴走，越走越遠，害你常常半暝爬起來接長途電話。
妳是不是在笑阮四叔，鎮日鬱頭結面，忘記自己是多緣頭多將才。
妳一定是在笑阮阿姑齁！你講生五個子，生到一個查某子。很滿足，賀啊！不要擱生啊。
你堅持號名叫做阿好。做人查某子、做人小妹，做人阿姑。伊是真正好。
啊！妳是在笑阮這幾個孫仔：看到阮，開嘴闔嘴就是：阿甲阿你是當時昧畢業?阿慧伊是
走去叨?阿明是少年老爸！阿亮蓋巧！
是不是妳也感覺真好笑。
醫生講妳兩三日仔就會花去啊。想不到，一擋就是好幾個禮拜──
阿嬤，妳的一口氣，甲阮吹得東倒西歪，也甲阮吹轉來這大片祖厝。
阿嬤，今仔日是阮大大小小跟妳惜別的日子──
日後轉來咱這間祖厝。阮就沒阿母通乎叫、就沒阿嬤通乎找。
阿嬤妳放心行！咱个祖厝後面就是鐵支路，卡過去就是高鐵。坐火車坐高鐵攏真緊。妳操
煩一世人，現在總算可以先回去休睏──
厝內的代誌妳攏免煩惱，跟著菩薩去西方極樂世界──
去那個有光有花、有花有光个所在──
最後，阿嬤，謝謝妳，妳ㄟ永永遠遠活在每一個人的心肝內！
孫 鄭花甲 叩首
---
這篇祭文是原著作者楊富閔親自寫的噢QQ
再看一次這段還是忍不住流淚啊T_T
--
All Comments